తెలుసుకొందాం

 ఏతీరుగ నను దయచూచెదవో?

పల్లవి:

ఏతీరుగ నను దయజూచెదవో యినవంశోత్తమరామా
నాతరమా భవసాగరమీదను నళినదళేక్షణరామా ఏ..

 
చరణము(లు):

శ్రీరఘునందన సీతారమణా శ్రితజనపోషక రామా
కారుణ్యాలయ భక్తవరద నిను కన్నదికానుపు రామా..

క్రూరకర్మములు నేరకచేసితి నేరములెంచకు రామా
దారీద్రము పరిహారముచేయవె దైవశిఖామణి రామా ఏ..

వాసవకమల భవాసురవందిత వారధి బంధన రామా
భాసురవర సద్గుణములు గల్గిన భద్రాద్రీశ్వర రామా ఏ..
వాసవనుత రామదాస పోషక వందన మయోధ్యరామా
దాసార్చిత మాకభయ మొసంగవె దాశరథీ రఘురామా ఏ..