ఏతీరుగ నను దయచూచెదవో?

పల్లవి:

ఏతీరుగ నను దయజూచెదవో యినవంశోత్తమరామా
నాతరమా భవసాగరమీదను నళినదళేక్షణరామా ఏ..

 
చరణము(లు):

శ్రీరఘునందన సీతారమణా శ్రితజనపోషక రామా
కారుణ్యాలయ భక్తవరద నిను కన్నదికానుపు రామా..

క్రూరకర్మములు నేరకచేసితి నేరములెంచకు రామా
దారీద్రము పరిహారముచేయవె దైవశిఖామణి రామా ఏ..

వాసవకమల భవాసురవందిత వారధి బంధన రామా
భాసురవర సద్గుణములు గల్గిన భద్రాద్రీశ్వర రామా ఏ..
వాసవనుత రామదాస పోషక వందన మయోధ్యరామా
దాసార్చిత మాకభయ మొసంగవె దాశరథీ రఘురామా ఏ..

ఎన్నగాను రామభజన కన్న మిక్కిలున్నదా?

 

పంతువరాళి - రూపక

పల్లవి:

ఎన్నగాను రామభజన కన్న మిక్కిలున్నదా ఎ..

అను పల్లవి:

సన్నుతించి శ్రీరామచంద్రు తలచవే మనస? కన్నవిన్నవారి వేడుకొన్న నేమిఫలము మనస? ఎ..

చరణము(లు):

రామచిలుక నొకటి పెంచి ప్రేమ మాటలాడ నేర్పి రామరామరామ యనుచు రమణియొకతె పల్కగా ప్రేమమీర భద్రాద్రిధాముడైన రామవిభుడు కామితార్థము ఫలములిచ్చి కైవల్యమొసగలేదా? ఎ..

శాపకారణము నహల్య చాపరాతి చందమాయె పాపమెల్ల బాసె రామపదము సోకినంతనే రూపవతులలో నధిక రూపురేఖలను కలిగియు తాపమెల్ల తీరి రామతత్త్వమెల్ల తెలుపలేదా? ఎ..